RReth nesh…

Ja ku jam, dëshiron të jetë një shoqërues i thjeshtë për të sjellë rreze drite në jetën e njerëzve, që besojnë në një qenie mbinatyrore që quhet Zot. Ai i cili i dha fillesën botës, njerëzimit dhe jetës.

Ta duash Zotin dhe ti përkasësh atij nuk është një gjë përjetësisht e definuar e cila mund të muroset si gjërat e ngurta, por duhet të ushqehet dita ditës. Sikurse asnjë ditë nuk i ngjason tjetrës dhe ikën pa u kthyer, ashtu edhe jeta me Zotin është një ecje e vazhdueshme e cila nuk është dhe nuk mund të mbetet dy herë njëlloj. Në fakt të braktisësh në duart e tij është një sfidë që shpesh shkon në kufinjtë e forcave tona njerëzore, por nuk është e pamundur.

E thjeshtë të arrihet në ditët me „diell“ në të cilat prania e tij është e ndjeshme dhe shoqëria e tij e gjallë. Pak më e mundimshme në momentet e vështira kur shpresa dhe forca jonë njerëzore gjinden në një fije peri. Megjithatë as atëherë aspak e pamundur. Por zemrës që beson i mjafton siguria që luftën me Zotin e fiton Ai gjithmonë.

Sepse nëse Zoti fiton, ne nuk jemi kurrë të humbur!

© Kopjimi, shumëfishimi, apo shpërndarja (botimi) e teksteve në cilëndo formë të mundshme pa citimin e autorit apo pa miratimin me shkrim të tij, janë të ndaluara me ligj. Të gjitha të drejtat e përdorimit mbeten pranë jakujam.ch.